رمضان فى قصر الرئاسه
موقع بلوج فى السعودية اتحجب
عياش بقى
طلب منى انى انزل النكته دى على حسابه
عشان هو مش عارف يدخل البلوج
بيقلك
ان حسنى مبارك هيصوم رمضان السنه دى
طربوش
خلاص يا جماعة اتحلت مشاكل المصريين
ولا بقى فيه فساد ولا بطالة ولا واسطة ولا رشاوى ولا طوارىء
واتحلت مشاكل الإسكان والتعليم والإقتصاد والزراعة والبحث العلمى والصحة
ومبقاش فاضل غير "اللوك" بتاع المصريين. عشان كده اكد احد المرشحين فى انتخابات الرئاسة انه هيرجع الطربوش
أيوه هى فعلا زى ما قريتها.. مفيش خطأ مطبعى ولا حاجة
الطربوش على قائمة برنامج " احمد الصباحى" رئيس حزب معرفش ايه واللى دخل سباق الإنتخابات وهو لابس الطربوش فعلا
يعنى بيطبق عملى يا جماعة
بس الواحد مش عارف يا ترى الطربوش لما يرجع هيكون زى ما كان زمان وللا هيتطور ويبقى مناسب لعصر المعلومات.. أو استنوا.. يا ترى هتنزل نسخة مطورة للشباب الروش؟
يا مرحب بالخواجة
نسمع كثيراً عن أهمية قراءة تراثنا حتى نستطيع أن نبنى مستقبلنا
بس الموضة دلوقتى.. إننا بندور فى تراثنا عشان نعجب الخواجة
إزاى الكلام ده؟
الخبر التالى من جريدة الأخبار يوم 20 يوليو2005
لجذب السائح الأجنبى عند زيارته لمصر تتبنى كلية الفنون التطبيقية بحلوان إتجاهاً جديداً تحاول تطبيقه من خلال قسم الملابس الجاهزة وهو تدريب طلاب السنة النهائية بالقسم على تصميم أزياء تحمل الروح البدوية بألوانها الزاهية ولكن بعد وضعها فى قالب حديث يساير خطوط الموضة بباريس
اعذرونى إذا كنت اعتبرتها من طرائف المصريين، بس لأنها ضحكتنى بجد
هههههههههه +13
الأربعاء أبريل 16, 2008 2:14 am